ბიზნესმენი და ჰომოფობიური კონტრაქციის ერთ-ერთი მონაწილე ლევან ვასაძე მთავრობასა და ლგბტ აქტივისტებს ისევ ემუქრება. ის ამბობს, რომ ლგბტ თემის არანაირ აქტივობას არ დაუშვებენ, ნებისმიერ კორდონს გაარღვევენ და "წალეკავენ" ყველას.

"ბრძანების გამცემ ბატონ ბიძინას, ივანიშვილს და ყველას, ვინც საქართველოს სათავეშია მინდა ვუთხრა: არაფერი შეგეშალოთ, ჩვენ არ მოგცემთ თქვენ უფლებას კორდონების ჩაყენების ამ კვირაში და მაგათ მიერ რაიმე აქტივობის ჩატარებისა. კინოთეატრში იქნება ეს, როგორც უკვე ვთქვი, სკვერში, ქუჩაზე, მთაზე, ტბაში თუ ტყეში. ყველგან მოგაკითხავთ, ყველა კორდონს გავარღვევთ და წაგლეკავთ", — იმუქრება ვასაძე.

ვიდეომიმართვაში, რომელიც ჰომოფობიური, ქსენოფობიური, დისკრიმინაციული და სექსისტური შინაარსისაა ბიზნესმენი მოუწოდებს "ქუდზე კაცებს", რომ ხვალ 16 ივნისს შეიკრიბონ და საქართველოში წესრიგის დაცვის სამოქმედო გეგმას გააცნობს.

"მე ვთხოვ ქალბატონებსა და ბავშვებს, ვერავის ვერ აუკრძალავ იქ მოსვლას, მარამ იქ კაცების გასაკეთებელი საქმეა, დარჩით სახლში. მე ვეძახი მამაკაცებს", — ამბობს ის.

ლევან ვასაძე გუშინ, 14 ივნისს ჰომოფობიურ კონტრაქციას ესწრებოდა და ღირსების შემლახავ მოწოდებებს ავრცელებდა. მან შეურაცხყოფა მიაყენა აჭარის ტელევიზიის ჟურანლისტსაც.

ვასაძე ამტკიცებს, რომ აქტივისტები აქეზებდნენ "მშვიდობიან მომიტინგეებს". კონტრაქციის მონაწილეებმა გუშინ შეურაცხყოფა მიაყენეს, როგორც აქტივისტებს, ასევე ჟურნალისტებს. ისინი აგინებდნენ აქციის მონაწილეებს და ნატა ფერაძეს მოკვლით ემუქრებოდნენ. კონტრაქციაზე 28 პირი დაააკვეს.