გორის მუნიციპალიტეტში, სოფელ ძევერთან ავტოსაგზაო შემთხვევის შედეგად ერთი პირი დაიღუპა, ხოლო ხუთი დაშავდა. როგორც შინაგან საქმეთა სამინისტროში On.ge-ს უთხრეს, ორი ავტომობილი ერთმანეთს შეეჯახა.

მომხდარ ფაქტზე შინაგან საქმეთა სამინისტრომ გამოძიება სისხლის სამართლის კოდექსის 276-ე მუხლის მეექვზე ნაწილით დაიწყო, რაც გულისმობს ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ადამიანის სიცოცხლის მოსპობა გამოიწვია. ისჯება თავისუფლების აღკვეთით ვადით ოთხიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.