თუ BLL-ს გამოსვლამდე მის ტრეილერებსა და თიზერებს აქტიურად ეცნობოდით, გემახსოვრებათ სცენა, რომელშიც მერილ სტრიპის გმირი, მერი ლუისი შვილიშვილებთან და სელესტისთან (ნიკოლ კიდმანი) ვახშმობის დროს არამიწიერ ხმას ამოუშვებს პირიდან.

სერიალში ჯეინის როლის შემსრულებელი შეილინ ვუდლიმ კი ეს შემაძრწუნებელი სცენა ჯიმი ფელონთან სტუმრობის დროს გააცოცხლა და როგორც აღნიშნა, ეს სწორედ ლეგენდარულმა მსახიობმა ასწავლა:

"მერილმა მასწავლა და ამან ჩემი ცხოვრება შეცვალა. სტრესისგან მცლის", — აღნიშნა მსახიობმა, მოგვიანებით კი იგივეს გაკეთება ფელონმაც სცადა.

თუ "მერილ სქრიმის" გაკეთებას თქვენც დააპირებთ, დარწმუნდით, რომ ამით გარშემომყოფებს არ დააფრთხობთ და გახსოვდეთ, რომ ამისთვის ემის ჯილდოს არავინ მოგცემთ.

დიდი პატარა ტყუილები ეკრანზე 9 ივნისს დაბრუნდა.