ჯუნ ჰო ბონგის ფილმი პარაზიტი, რომელიც წლევანდელი კანის კინოფესტივალის მთავარი პრიზის ოქროს პალმის რტოს მფლობელია, სამხრეთ კორეაში გაყიდვებით ლიდერობს. საოჯახო დრამამ 12.4 მილიონი დოლარი მხოლოდ პარასკევიდან კვირა დღის ჩათვლით დააგროვა. ჯამურმა შემოსავალმა კი ორი კვირის განმავლობაში, 51 მილიონს მიაღწია. სადისტრიბუციო კომპანია CJ Entertainment-ის გამოთვლებით, ქვეყნის მასშტაბით გაყიდვების 47% სწორედ პარაზიტზე მოდის.

კორეაში ვარაუდობენ, რომ ფილმის მნახველთა რაოდენობა 10 მილიონს გადააჭარბებს, რაც მეგა-ბლოკბასტერების ყურებადობის საშუალო რაოდენობაა ხოლმე. ჯუნ ჰო ბონგის 2006 წლის ჰიტის, The Host-ის შემდეგ, ეს რეჟისორის მეორე კომერციული წარმატება იქნება.

ამავე თემაზე:

ჯუნ ჰო ბონგის სამხრეთ-კორეული ბრილიანტი, სახელად პარაზიტი;

ოქროს პალმის რტოს მფლობელი ჯუნ ჰო ბონგის "პარაზიტი" გახდა – ნახეთ გამარჯვებულები სრულად.