შინაგან საქმეთა სამინისტროს განცხადებით, ორსული ქალის მიმართ არასრულწლოვნის თანდასწრებით განხორციელებული ძალადობის, მუქარისა და ნარკოტიკული საშუალების უკანონო შეძენა-შენახვის ბრალდებით ერთი პირი დააკავეს.

გამოძიების ვერსიით, დაკავებულმა, არასრულწლოვნის თანდასწრებით ფიზიკურად იძალადა ორსულ ცოლზე. ასევე, დაემუქრა სიცოცხლის მოსპობით. უწყების ცნობით, დაშავებული ქალის ჯანმრთელობას საფრთხე არ ემუქრება. შინაგან საქმეთა სამინისტრო ასევე აცხადებს, რომ დაკავებულის სახლიდან ოპიუმის და ჰეროინის შემცველი ნარკოტიკული საშუალებები ამოიღეს.

გამოძიება არასრულწლოვნის თანდასწრებით ორსული ქალის მიმართ ოჯახში ძალადობის, წინასწარი შეცნობით ოჯახური ნიშნით ორსული ქალის მიმართ განხორციელებული მუქარისა და ნარკოტიკული საშუალების უკანონო შეძენა-შენახვის ფაქტებზე მიმდინარეობს. დანაშაული გათვალისწინებულია სსკ-ის 11'-151-ე მუხლის მე-2 ნაწილის გ ქვეპუნქტით, 126' მუხლის მე-2 ნაწილის ა ქვეპუნქტით, 126' მუხლის მე-2 ნაწილის ა და ბ ქვეპუნქტითა და 260-ე მუხლის პირველი ნაწილით. ბრალის დამტკიცების შემთხვევაში დაკავებულს 6 წლამდე პატიმრობა ემუქრება.