დაბინძურებული ჰაერი, გადატვირთული მოძრაობა, ხმაური, გამვლელები, რომლებიც გეჯახებიან, ანუ უბრალოდ ცუდი დღე, რომელიც ბრაზის მართვის სადავეებს ხელიდან გართმევს — ამიერიდან ამ პრობლემებს ნიუ-იორკის მოქალაქეები მარტივად დაივიწყებენ, რადგან მეგაპოლისის ქუჩებში კრივის ტომრები გამოჩნდა, რომლებზეც გაბრაზებული გამვლელები ჯავრს უფასოდ ამოიყრიან.

აი დაახლოებით ასე.

კრივის ტომრები მანჰეტენზეა განთავსებული. მასზე წარწერაა, რომელიც გამვლელს უარყოფითი ემოციების გამოშვებისკენ მოუწოდებს:

"დასარტყამი საჯარო ტომარა. მის გამოყენებაზე რისკები თავად გეკისრება. ჯანსაღი ადგილი იმედგაცრუებისგან გასათავისუფლებლად".

კრივის ტომრების დიზაინი ჯორჯიაში მდებარე დიზაინის სტუდიას, donttakethisthewrongway, ეკუთვნის.

იდეის ავტორი იმედოვნებს, რომ ინოვაციური ტომრები ადამიანების პრობლემებს შეამსუბუქებს და დღეს ცოტათი უკეთესად მაინც აქცევს.