თუშეთში, ფშაველი-აბანო-ომალოს გზა დაიტბორა. ხელოვნური ტბის მიმდებარედ გაყვანილი გზა მთაში თოვლის დნობის გამო წყლით დაიფარა. საავტომობილო მოძრაობა მეცხრე კილომეტრიდან ჩაკეტილია. თუშეთში უხვი ნალექის შემდეგ გზის გაწმენდითი სამუშაოები მიმდინარეობდა, თუმცა ადიდებულმა მდინარემ გზის 150 მეტრამდე მონაკვეთი წაიღო.

საავტომობილო გზების დეპარტამენტში On.ge-ს უთხრეს, რომ ამ დროისთვის გზის ნაწილზე გაწმენდითი სამუშაოები მიმდინარეობს, ხოლო იმ მონაკვეთზე, რომელიც მთლიანად განადგურდა გზის გასაყვანად ახალი პროექტი დაიგეგმება. საავტომობილო გზების დეპარტამენტის ცნობით, წინა წელს დატბორვის შედეგად გზის აღდგენითი სამუშაოები დასრულებული იყო, თუმცა რეაბილიტირებული გზა ისევ დაზიანდა.

ფშაველი-აბანო-ომალოს გზა თუშეთთან დამაკავშირებელი ერთადერთი საავტომობილო მონაკვეთია, რომელიც დიდთოვლობის გამო ოქტომბრის შუა რიცხვებიდან მაისის შუა რიცხვებამდე იკეტება.