ევროპული საქართველო ოთხოზორია – ტატუნაშვილის სიის რეზოლუციის არაჯეროვანი შესრულების თაობაზე სპეციალური დადგენილების მიღებას ითხოვს. დადგენილების პროექტი დღეს, 3 ივნისს ბიუროს სხდომაზე დარეგისტრირდება. ეს დადგენილება იურიდიულ კომიტეტზე მთავარი პროკურორის გამოკითხვასაც ითვალისწინებს.

ევროპული საქართველოს წევრის სერგი კაპანაძის განცხადებით, ამ დრომდე მთავარ საგამოძიებო უწყებას არ აღუძრავს საქმე რუსეთის ფედერაციის არც ერთ მოქალაქეზე, რომლებიც პასუხისმგებლები არიან საქართველოს მოქალაქეების მიმართ არაადამიანურ მოპყრობასა და მკვლელობაში.

დადგენილების მიზანია, დაფიქსირდეს პარლამენტის შეშფოთება მთავრობის არაეფექტური მუშაობის გამო და მოუწოდოს მას, გააფართოვოს და გაააქტიუროს ღონისძიებები ოთხოზორია-ტატუნაშვილის რეზოლუციის აღსრულების მიზნით.

პარლამენტის თავმჯდომარის, ირაკლი კობახიძის განცხადებით, უმრავლესობა მზადაა ოთხოზორია-ტატუნაშვილის სიაზე მიღებული დადგენილების რეალიზების საკითხზე ოპოზიციასთან დისკუსია გამართოს.