სახელმწიფო პროგრამის, აწარმოე საქართველოში, ფარგლებში 3 ახალი საწარმო შეიქმნება. ამის შესახებ პრემიერ მინისტრმა, გიორგი კვირიკაშვილმა დღეს, 5 მაისს, გამართულ მთავრობის სხდომაზე განაცხადა.

კვირიკაშვილმა თქმით, სოფელ მარტყოფში მაღალტექნოლოგიური და ინტენსიური ტიპის მესაქონლეობის ფერმერულ მეურნეობას კომპანია მარტყოფის ბაგა ააშენებს, რისთვისაც 2,5 მილიონ ლარზე მეტი ინვესტიციაა გათვალისწინებული.

აღნიშნული მეურნეობის, დაბა ხელვაჩაურში სამშენებლო მასალების საწარმოო კომბინატისა და ოზურგეთის მუნიციპალიტეტში მინერალური პროდუქტების საწარმოს პროექტებს მთავრობა დღევანდელ სხდომაზე დაამტკიცებს.

პრემიერის განმარტებით, დაბა ხელვაჩაურში 1 მილიონ ლარზე მეტი ინვესტიცია განხორციელდება. ოზურგეთის მუნიციპალიტეტში მინერალური პროდუქტების საწარმოს მშენებლობაში კი შპს ასკანგელ ალიანსი 200 ათას ლარამდე ინვესტიციას განახორციელებს.

მთავრობის სხდომა ამ წუთებშიც მიმდინარეობს, მინისტრთა კაბინეტი 35 საკითხის განხილვას აპირებს.