რუსეთის ქალაქ ძერჟინსკში, ასაფეთქებლის მწარმოებელ ქარხანაში აფეთქება მოხდა. ტელეკომპანია დოჟდის ინფორმაციით, შემთხვევის შედეგად 27 ადამიანი დაშავდა. წინასწარი მონაცემებით, აფეთქება ტექნოლოგიური პროცესის დარღვევის გამო მოხდა.

რის ნოვოსტის ინფორმაციით, სულ სამი აფეთქება იყო. ადგილობრივი მოსახლეობა ამბობს, რომ აფეთქების შედეგად სახლების ფანჯრები ჩაიმსხვრა და ახლომდებარე შენობები დაზიანდა. აფეთქების შემდეგ ქარხანაში ცეცხლი გაჩნდა. ოფიციალური პირები ამბობენ, რომ ჰაერის დაბინძურების საშიშროება არ არის.