ევროპის პარლამენტის არჩევნების კენჭისყრა 23 მაისიდან დაიწყო
დღეიდან, 23 მაისიდან 26 მაისის ჩათვლით ევროკავშირის ქვეყნების მოსახლეობა ევროპარლამენტში თავიანთ წარმომადგენლებს ირჩევს. საარჩევნო პროცესი დიდი ბრიტანეთიდან და ნიდერლანდებიდან დაიწყო. უბნები დილის 7 საათიდან გაიხსნა და ყოველდღე 22 საათზე დაიხურება.
ამჟამად ევროპარლამენტში 751 ადგილია, მაგრამ ბრექსიტის შემდეგ იგი 705-მდე შემცირდება. მიუხედავად იმისა, რომ 2016 წელს დიდმა ბრიტანეთმა ევროკავშირიდან გასვლას მისცა ხმა, შეთანხმება ჯერ კიდევ ვერ შედგა. დიდი ბრიტანეთი ვალდებულია, მონაწილეობა მიიღოს ამ არჩევნებში. გერმანიას ევროპარლამენტში ყველაზე მეტი ადგილი აქვს, რადგან მოსახლეობის ოდენობით სხვა წევრ ქვეყნებს უსწრებს. მას შემდეგ, რაც დიდი ბრიტანეთი დატოვებს გაერთიანებას, მისი 73 მანტადი გადანაწილდება. გეგმის მიხედვით, გარკვეული ადგილები დაეთმობა ახლადგაწევრიანებულ ქვეყანას, ხოლო დანარჩენი მანდატი, სხვა წევრ სახელმწიფოებს შორის გადანაწილდება.
პარლამენტი ერთადერთი პირდაპირი წესით არჩეული ინსტიტუტია, ევროკავშირის სხვა უწყებებს შორის. ქვეყნების მიხედვით, ადგილების მინიმალური ოდენობა ექვსია, ისეთი პატარა ქვეყნებისთვის, როგორებიცაა მალტა, ლუქსემბურგი და კვიპროსი.
ევროპის პარლამენტი შვიდი პოლიტიკური გაერთიანებისგან შედგება და ამ კვირაში შვიდივე იბრძოლებს მანდატებისთის. მათგან ოთხი მკაფიოდ პროევროპულად მიიჩნევა. პროევროპული პარტიების წარმომადგენლები აცხადებენ, რომ ევროკავშირი უმნიშვნელოვანეს როლს ასრულებს ისეთი დიდი საკითხების გადაწყვეტაში, როგორებიცაა, გარემო, განახლებადი ენერგია, მუშათა უფლებები, ფინანსური სტაბილურობა და ტერორიზმთან ბრძოლა.
BBC წერს, რომ ბოლო წლებში ევროსკეპტიკოსები მომრავლდნენ, თუმცა ნაკლებად სავარაუდოა, რომ მათ უმრავლესობა მოიპოვონ ახალ პარლამენტში. ისინი ძირითადად ნაციონალისტური ან პოპულისტური პარტიებიდან არიან.
ყველაზე დიდი გაერთიანებაა ევროპის სახალხო პარტია (EPP), რომელიც ევროკავშირის ქვეყნების მემარჯვენე-ცენტრისტებსა და ქრისტიან-დემოკრატიულ პარტიებს აერთიანებს. მთავარი მემარცხენე-ცენტრისტული გაერთიანებაა სოციალისტები და დემოკრატები (S&D). არსებობს ლიბერალების ფრაქცია ALDE და ჯგუფი მწვანეები, რაც აერთიანებს გარემოსდაცვით პოლიტიკურ ძალებს. მეხუთე ჯგუფია ევროპელი კონსერვატორები და რეფორმისტები (ECR), რომელიც პროევროპულ ბანაკსა და ევროსკეპტიკოსებს შორისაა. ევროსკეპტიკოსების ჯგუფია ევროპის გაერთიანებული მემარცხენეები (GUE) სოციალისტური და კომუნისტური პარტიებით. ახალი გაერთიანებაა ხალხისა და ერთა ევროპული ალიანსი (EAPN).
როგორ მუშაობს ევროპარლამენტის არჩევნები?
არჩევნებში მონაწილეობისთვის 400 მილიონზე მეტი ამომრჩეველია რეგისტრირებული. ხმის მიცემის პროცესი ოთხ დღეს გაგრძელდება, იმის მიხედვით, თუ სად გაიმართება არჩევნები:
- 23 მაისი — ნიდერლანდები, დიდი ბრიტანეთი;
- 24 მაისი — ირლანდია, ჩეხეთის რესპუბლიკა;
- 25 მაისი — ლატვია, მალტა, სლოვაკია;
- 26 მაისი — ავსტრია, ბელგია, ბულგარეთი, ხორვატია, კვიპროსი, დანია, ესტონეთი, ფინეთი, საფრანგეთი, გერმანია, საბერძნეთი, უნგრეთი, იტალია, ლიტვა, ლუქსემბურგი, პოლონეთი, პორტუგალია, რუმინეთი, სლოვენია, ესპანეთი, შვედეთი.
თითოეულ ქვეყანაში სხვადასხვა ოდენობის პარლამენტარებს ირჩევენ, მოსახლეობის რაოდენობის პროპორციულად. მაგალითად, გერმანია 96 დეპუტატს აირჩევს, ხოლო კვიპროსი და მალტა 6-6-ს.
ქვეყნებს უფლება აქვთ გამოიყენონ თავიანთი ეროვნული საარჩევნო სისტემა, ასევე, ადგილობრივი კანონმდებლობა განსაზღვრავს ამომრჩევლის ასაკსაც. ყველაზე მნიშვნელოვანი საერთო წესია ის, რომ ქვეყნები იყენებენ პროპორციულ სისტემას. საბოლოო შედეგებს კვირას, 26 მაისს, ბრიუსელის, დროით 23 საათზე გამოაცხადებენ.
-
-
-
-
გადახედვამკვლევრებმა კოსმოსში ახალი მოლეკულა აღმოაჩინეს მკვლევრებმა კოსმოსში ახალი მოლეკულა აღმოაჩინეს
-
გადახედვამოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი მოლაპარაკებები არ დაიწყება, ვიდრე ეს კანონი დღის წესრიგშია — ევროპარლამენტის რეზოლუციის საბოლოო პროექტი
-
გადახედვაშესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა შესაძლოა, პაციენტებს გადარჩენის მეტი შანსი ჰქონდეთ, თუ მათი ექიმი ქალია — კვლევა
-
-
-
გადახედვაბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ ბორელი: ჩვენი კარი ღიაა, მოვუწოდებ საქართველოს ლიდერებს, გამოხატონ მოქალაქეების მოლოდინები და ქვეყანა ევროკავშირის გზას არ ააცდინონ
-
-
-
-
-
-
გადახედვაროდის გაჩნდნენ დედამიწაზე მანათობელი ცხოველები? — კვლევა როდის გაჩნდნენ დედამიწაზე მანათობელი ცხოველები? — კვლევა
-
გადახედვაბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ ბრძოლა გრძელდება, აქციებზე შევხვდებით — ლაზარე გრიგორიადისის პირველი განცხადება გათავისუფლების შემდეგ
-
გადახედვალაზარე გრიგორიადისი თავისუფალია ლაზარე გრიგორიადისი თავისუფალია
-
გადახედვაშეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია შეიმუშავეს ხელოვნური ინტელექტი, რომელსაც ადამიანის დნმ-ის რედაქტირება შეუძლია
-
-
-
კომენტარები