ზუგდიდის 82-ე საარჩევნო უბანზე საკონტროლო ფურცელი გადასატან ყუთში ბეჭდის გარეშე ჩააგდეს, რის გამოც ყუთი დაილუქა. ამ უბანზე ხმა ოპოზიციის კანდიდატმა, სანდრა რულოვსმა 9 საათზე უნდა მისცეს.

გაერთიანებული ოპოზიციის დამკვირვებელი აცხადებს, რომ ამომრჩეველი მაინც შემოუშვეს და ბიულეტენს აგდებინებდნენ. მისი პროტესტის შემდეგ გადასატანი ყუთი დალუქეს და შესაძლოა, 31 ბიულეტენი გაბათილდეს.

უბანზე გამოიძახეს საოლქო საარჩევნო კომისიის წარმომადგენლები, რომლებიც მიიღებენ საბოლოო გადაწყვეტილებას, გადასატანი ყუთი მივიდეს თუ არა ამომრჩევლამდე.