ზუგდიდში 87-ე საარჩევნო უბანთან სროლის საქმეზე ორი პირი დააკავეს. დაკავებულები არიან ირაკლი ჩანგელია და ბადრი გოგუსანია. დაკავების კადრები ტელევიზიის ეთერებით ვრცელდება, თუმცა, მიუხედავად ამისა, მათ დაკავებას შინაგან საქმეთა სამინისტროში არ ადასტურებენ.

ზუგდიდში გაერთიანებული ოპოზიციის დამკვირვებელმა, ზოია ქვარცხავამ თქვა, რომ 87-ე უბანთან უცნობმა პირმა გაისროლა. მისი თქმით, მანქანაში ორი ახალგაზრდა იჯდა. ის ამბობს, რომ მათთვის ფოტოს გადაღება მოასწარო და ის მოგვიანებით სამართალდამცველებს წარუდგინა. ზოია ქვარცხავას დაკითხვა ოთხი საათის განმავლობაში მიმდინაროებდა.

რუსთავი 2-ის ინფორმაციით, ზუგდიდში 87-ე უბანთან ზუგდიდის საოლქო საარჩევნო კომისიის მუდმივმოქმედი წევრის, ლელა ლაშხიას შვილმა ისროლა.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის 236-ე მუხლით დაიწყო, რაც იარაღის შეძენას, შენახვას ან გასროლას გულისხმობს.