კახათი-ზუგდიდის ცენტრალურ მონაკვეთზე ანაკლიიდან მოძრავი მერსედესის მარკის მანქანა სახლის ეზოში შევარდა და გადაბრუნდა. შინაგან საქმეთა სამინისტროში On.ge-ს უთხრეს, რომ შემთხვევა დღეს, 16 მაისს დღის მეორე ნახევარში მოხდა.

უწყების ცნობით, მანქანაში მყოფი შვიდივე ადამიანი დაშავებულია. მოზარდები ზუგდიდის რეფერალურ საავადმყოფოში გადაიყვანეს. ადგილობრივი მედიის, ლაივპრესის ცნობით, მანქანაში მოზარდები ისხდნენ, რომლებიც ბოლო ზარს აღნიშნავდნენ. ამავე მედიის ინფორმაციით, ორის დაშავებულის მდგომარეობა მძიმეა, სამის კი შედარებით სტაბილური.

შინაგან საქმეთა სამინისტრომ გამოძება სისხლის სამართლის კოდექსის 276 მუხლით დაიწყო.