თანამდებობიდან გადაყენებული გიორგი ქობულია "ტოტალურ ტყუილს" უწოდებს იმ ინფორმაციას, რომ ის სხვისი ნაშრომის გამო დანიშნეს მინისტრად. ამის შესახებ მან დეპუტატებთან შეხვედრის დროს უმრავლესობის დეპუტატის, შალვა შალელაშვილის კითხვაზე პასუხის გაცემის დროს თქვა.

"მედიაში ხშირად მსმენია, რომ ჩემი მოსვლის მიზეზი იყო, რომ იყო გაკეთებული ნაშრომი, რომელიც იყო არა ჩემი გაკეთებული, [არამედ] სხვისი ნაშრომი... ნუთუ, ვინმეს ჰგონია, რომ ნაშრომის მიხედვით ვინმეს სამსახურში აყვანა ხდება", — განმარტა მან.

მისი თქმით, მისი მოყვანის მიზეზი ის იყო, რომ მმართველ გუნდს ძლიერი ტექნოკრატები სჭირდებოდა. მან განმარტა, რომ ის იყო "სერიოზული კომპანიის" მმართველობაში.

შალელაშვილამდე ქობულიას შეცდომით დანიშვნაზე ინფორმაცია რუსთავი 2-მა გაავრცელა.