საქართველოს პრემიერმინისტრი გიორგი კვირიკაშვილი აშშ-ში ვიზიტისას, პრეზიდენტ ბარაკ ობამასა და მისი მეუღლის სახელით დელეგაციათა მეთაურების პატივსაცემად გამართულ მიღებას დაესწრო.

ასევე, გიორგი კვირიკაშვილი გაეროს გენერალური ასამბლეის 71-ე სესიაზე სიტყვით გამოვიდა. მისი მოხსენების ერთ-ერთი მთავარი თემა ქვეყანაში მოახლოებული არჩევნები იყო. გარდა ამისა, მან მიმოიხილა საგარეო ურთიერთობები და ქვეყანაში განსახორციელებელი რეფორმები. კვირიკაშვილმა აქცენტი განსაკუთრებით წინასაარჩევნოდ პოლიტიკურ და მედია გარემოზე გააკეთა, რომელიც მისი თქმით, თავისუფალი და პლურალისტურია.

ნიუ-იორკში ვიზიტისას, კვირიკაშვილი ევროპული საბჭოს პრეზიდენტს დონალდ ტუსკსა და ევროკომისიის ვიცე-პრეზიდენტს ფედერიკა მოგერინის შეხვდა, რომლებმაც კიდევ ერთხელ დაადასტურეს, რომ ევროკავშირი საქართველოსთვის სავიზო რეჟიმის ლიბერალიზაციას მხარს უჭერს.