ითამაშე ისე, თითქოს არავინ გიყურებს", — ფრაზა, რომელიც გოლფის სათამაშოდ გვიწვევს Tbilisi Hills Golf & Residences სარეკლამო კამპანიის ერთ-ერთი მთავარი მესიჯია, აბსტრაქტურლი და სიურეალისტური კოლაჟებით აწყობილი სარეკლამო ბანერები სულ ცოტა ხნის წინ გამოჩნდა ქალაქში. ცნობადობის ასამაღლებელ ამ კამპანიაში გოლფის თემა მოულოდნელ, არა ბანალურ სიტუაციებში თამაშდება.

როგორც წესი, დეველოპერული კომპანიებისა და გოლფის პოპულარიზაციის სარეკლამო კამპანიებში დიდი მწვანე მინდვრები, გოლფის ეკიპირებით აღჭურვილი სიმპათიური სპორტსმენები და ძვირადღირებული ვილები გვხვდება. თბილისი ჰილსმა კი პოტენციურ მომხმარებლებთან კომუნიკაციის სულ სხვა ფორმა არჩია.

კატებისა, ძაღლებისა და ვეფხვების ფერადი გამოსახულებების გამოყენებით ქალაქის გაცოცხლება და საზოგადოებაში ინტერესის გაღვიძება იგეგმება. კომუნიკაციის ეს ფორმა აბსოლუტურ კონტრასტშია პროდუქტთან, რომელსაც თბილისი ჰილსი მომხმარებელს სთავაზობს და ერთგვარი შოკური თერაპიასავითაც მოქმედებს.

დაინტერესება, თუ რატომ გვაწვდიან გოლფის თემას სწორედ ასეთი ვიზუალური ენით, სტიმულს აძლევს მომხმარებელს ერთხელ მაინც ესტუმროს Tbilisi Hills Golf & Residences. ვინც ერთხელ მაინც მოხვდება ამ ლოკაციაზე, ის აუცილებლად დაბრუნდება. მიზანიც ეს არის.

თბილისი ჰილსი უნიკალური ადგილია მთელი საქართველოს მასშტაბით. არაჩვეულებრივი ბუნება, პანორამული ხედები, სუფთა ჰაერი და სპორტის სახეობა, რომელიც სულ ახლა იწყებს ქვეყანაში განვითარებას.

თითქოს მოცემულობა იმთავითვე მომგებიანია სარეკლამო კამპანიის დასაგეგმად, თუმცა რთულია დაამსხვრიო სტერეოტიპი, რომ გოლფი მხოლოდ ხანში შესული, მდიდარი ადამიანებისთვის განკუთვნილი და თანაც ცოტა მოსაწყენი სპორტია, მითუმეტეს ქვეყანაში, სადაც ამ სპორტზე ძალიან ცოტა იციან.

სწორედ ამიტომ, სარეკლამო კამპანია დაიგეგმა იმგვარად, რომ თვალსაჩინო და გადამდები ყოფილიყო ახალგაზრდული ენერგია, გამბედაობა, სიმსუბუქე და რაც მთავარია თვითირონია, რომელიც ამ შემთხვევაში გადამწყვეტ როლს ასრულებს.

"ჩვენ გადავწყვიტეთ გავქცეოდით სტანდარტულ სარეკლამო კამპანიას და შეგვექმნა რაღაც განსვავებული, რაც ქალაქს გამოაცოცხლებდა. ჩვენ არ გვეშინია ვიყოთ განსხვავებულები. დიდი სურვილი გვქონდა ბილბორდებზე შიშველი ფოტოები განგვეთავსებინა, თუმცა ცენზურის გამო ეს ვერ მოვახერხეთ. ასეთი სარეკლამო კამპანიის მთავარი მიზეზი თვითირონიაა, რომელიც, როგორც იცით, მხოლოდ ძლიერი და საკუთარ თავში დარწმუნებული ადამიანების თვისებაა. ჩვენს პროდუქტში, მშენებლობისა და გოლფის მოედნის ხარისხში აბსოლუტურად დარწმუნებულები ვართ, სწორედ ამიტომ ამ თემაზე ხუმრობას არ ვერიდებით", — ანასტასია უდალოვა, Skinest Air-ის სამეთვალყურეო საბჭოს თავმჯდომარე და Tbilisi Hills Golf & Residences-ის გენერალური დირექტორი.

სარეკლამო კამპანია ბუნებრივია მხოლოდ ბილბორდებით არ შემოიფარგლება. საინტერესო კომუნიკაცია ინტერნეტ სივრცეშიც იგეგმება. კამპანიის ნაწილი იყო ასევე ღონისძიებაც, რომელიც სულ ცოტა ხნის წინ თბილისი ჰილსში გაიმართა. მოწვეულ სტუმრებს საშუალება ჰქონდათ თავად ენახათ და შეეფასებინათ ტერიტორია, სადაც მომდევნო წლების განმავლობაში მილიარდი დოლარის ინვესტიცია ჩაიდება და რომელიც 300-ზე მეტ ვილას, 70-ზე მეტ თაუნჰაუსს, 800-მდე აპარტამენტსა და უამრავ ინფრასტრუქტურულ ობიექტს გააერთიანებს. მათ შორის, ბუნებრივია, აღსანიშნავია 57 ჰექტარზე გაშლილი გოლფის მოედანი, რომელიც ექსკლუზიურად თბილისი ჰილსისთვის მსოფლიოში აღიარებულმა ფინურმა კომპანიამ Tilander Golf Design-მა შექმნა.