გორის მუნიციპალიტეტში, სოფელ შინდისში ავტოსაგზაო შემთხვევას ერთი ადამიანი ემსხვერპლა. როგორც შინაგან საქმეთა სამინისტროში On.ge-ს უთხრეს, შემთხვევის შედეგად მანქანის მძღოლი დაშავდა.

უწყების ინფორმაციით, მანქანა გაზის მილს შეეჯახა და ამობრუნდა. გამოძიება სისხლის სამართლის კოდექსის 276-ე მუხლის მეექვსე ნაწილით მიმდინარეობს, რაც ტრანსპორტის მოძრაობის ან უსაფრთხოების წესის დარღვევას გულისხმობს, რამაც ადამიანის სიცოცხლის მოსპობა გამოიწვია. ამ მუხლით გათვალისწინებულია პატიმრობა ოთხიდან შვიდ წლამდე.