შვედეთის ელჩმა საქართველოში, ულრიკ ტიდესტრომმა Twitter-ზე ბათუმში სტუმრობისას დაბინძურებული არდაგანის ტბის ფოტო გამოაქვეყნა. ელჩი წერს, რომ მოცეკვავე შადრევნების ტბა შორიდან ლამაზია, თუმცა, ახლოდან ნაკლებად.

აჭარის ტელევიზიის ინფორმაცით, კომპანია ბათუმის წყალში, რომელსაც ტბის მოვლა-პატრონობის ვალდებულება აქვს, აცხადებენ, რომ ტბა ყოველდღიურად, ზედაპირულად, სპეციალური ტექნიკით იწმინდება. მათივე თქმით, დღეს, 26 აპრილს დილით ტბაში გაურკვეველი სითხე ჩაიღვარა და ტექნიკურმა ჯგუფმა დააფიქსირებისთანავე ტბა დაასუფთავა.