არგენტინის ნაციონალურმა კინოინსტიტუტმა და არგენტინის კინოწარმოების კომპანიამ ერთობლივად მიიღეს გადაწყვეტილება და ამიერიდან, საფრანგეთის მსგავსად, არგენტინელი ბავშვებიც, სკოლის დაწყებასთან ერთად კინემატოგრაფის შესწავლას დაიწყებენ.

ჯერ კიდევ აგვისტოში, არგენტინისა და საფრანგეთის პრეზიდენტების ხელშეწყობით, პროგრამა "სკოლიდან მივდივარ კინოში" დაიწყო, რომელმაც, როგორც ამბობენ, კინო მაყურებლის რიცხვს კიდევ უფრო გაზრდის.

"კინო დაწყებითი კლასიდან" პროგრამის დანერგვამდე არგენტინის კინო ინსტიტუტმა სკოლის მოსწავლეებს სთხოვა დაეწერათ ესსე თემაზე - "როგორია დღეს არგენტინულ კინო და რა გსურთ შეიცვალოს?" ნაწერების მიღების შემდეგ კი კინოცენტრმა და განათლების სამინისტრომ არგენტინელი კინოხელოვნების დახმარებით შექმნეს სასკოლო პროგრამა, რომელშიც როგორც არგენტინული, ისე უცხოენოვანი ფილმებია გაერთიანებული.

პროგრამის ერთ-ერთი კოორდინატორი ალეხანდრო ჩალჩეტა ამბობს, რომ კინოს დანერგვა სკოლებში სახელმწიფო პოლიტიკის ნაწილია და კარგი იქნება თუ ამ მაგალითს მსოფლიოს ყველა ქვეყანა მიჰბაძავს, რადგან კინო საზოგადოებასთან ურთიერთობისთვის ყველაზე კარგი საშუალებაა.