სელფების გადაღება დღეს ერთ-ერთი ყველაზე პოპულარული გასართობია, რომლითაც უამრავი ადამიანია დაკავებული — მათ მიერ გადაღებულ და სოციალურ მედიაში გამოქვეყნებულ ფოტოებს კი ჩვენ, ანუ ვირტუალური მეგობრები ვიწონებთ, ან გვერდს ვუვლით.

ის რაც დანამდვილებით შეიძლება ითქვას, არის ის, რომ ამ გორილებისთვის გვერდის ავლა ძალიან გაგიჭირდებათ.

დიახ, კონგოში, ვირუნგას ნაციონალურ პარკში მცხოვრები ვეებერთელა გორილები, რომელთაც 600-ზე მეტი ადამიანი იცავს, ადგილობრივ რეინჯერთან ერთად სელფის გადასაღებად პოზირებენ და თქვენ წარმოიდგინეთ, ძალიან ფოტოგენურებიც არიან.

აი, როგორ პოზირებენ "მორცხვი" გორილები კამერის წინ:

მიუხედავად იმისა, რომ თითოეული იქ მომუშავე რეინჯერი საკუთარ სიცოცხლეს ყოველდღიურად საფრთხის წინაშე აყენებს, ამ გიგანტურ ცხოველებთან მუშაობასაც აქვს თავისი დადებითი მხარე — აღმოჩნდა, რომ მათთან გართობა ძალიან მარტივია, რადგან სელფების გადაღება ძალიან მოსწონთ.

ეს კი უკვე ოჯახური პორტრეტია:

ეს ფოტოები ნამდვილად სახალისოდ გამოიყურება, თუმცა, იმასაც არაჩვეულებრივად გვახსენებს, რომ ველურ ბუნებასა და მის ბინადრებს დაცვა და იმ საფრთხეების თავიდან აცილება სჭირდებათ, რა საფრთხეებსაც ჩვენ, თავად ადამიანები ვუქმნით.