შინაგან საქმეთა სამინისტრომ შპს ხიმიჯ სერვის 2-ის დირექტორი სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას ბრალდებით, მოსამართლის განჩინების საფუძველზე დააკავა.

საქმე ეხება ჭავჭავაძის #5-ში მშენებლობის დროს მიწის ჩამოშლის შედეგად გარდაცვლილი ორი მუშის საქმე. უწყების ცნობით, სწორედ, შპს ხიმიჯ სერვის 2 ახორციელებდა გამაგრების სამუშაოებს შემთხვევის ადგილზე.

შსს-ს განცხადებაში ვკითხულობთ, რომ შპს ხიმინჯ სერვის 2-ის მიერ წარმოებული მიწის ვერტიკალურად გათხრის სამუშაოები არ შეესაბამებოდა მშენებლობის უსაფრთხოების შესახებ ტექნიკური რეგლამენტის თაობაზე საქართველოს მთავრობის დადგენილებით დაწესებულ სტანდარტებს და დარღვეული იყო აღნიშნული დადგენილების სხვადასხვა პუნქტი.

"გამოიკვეთა, რომ მომხდარზე პასუხისმგებლობა ეკისრებოდა შპს ხიმინჯ სერვის 2-ის დირექტორს", — ნათქვამია განცხადებაში.

გამოძიება საქართველოს სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.