ჯეისონ მომოა ჩვენი დროის ერთ-ერთი ყველაზე პოპულარული მსახიობია. მაყურებლის უმეტესობა მას GOT-ში შესრულებული ხალ დროგოს როლით იცნობს. თუმცა მისი პოპულარობა კიდევ უფრო გაიზარდა რაც DC-ის ფილმში Aquaman მთავარი როლი შეასრულა.

გამორჩეულია მსახიობის ვიზუალიც - გრძელი თმა, ნაიარევი წარბთან და რა თქმა უნდა, წვერი.

თუმცა, როგორც აღმოჩნდა, მსახიობმა ვიზუალის შეცვლა გადაწყვიტა და პირველი "მსხვერპლი" მისი საქვეყნოდ ცნობილი წვერი გახდა.

თანაც, მომოამ წვერის გაპარსვის ამსახველი ვიდეო იუთუბზე გამოქვეყნა და ძალიან სევდიანი სახელი "მშვიდობით დროგო" დაარქვა

როგორც მსახიობი ამბობს, წვერი ჩვენი პლანეტის უკეთესობისკენ შეცვლისთვის გაიპარსა. მომოა Ball Corporation-ის კამპანიაში ჩაერთო, რომელიც აქტიურად მუშაობს ოკეანეებისა და ზღვების დაბინძურების აღმოსაფხვრელად.

მსახიობმა ვიდეო ინსტაგრამზეც გამოაქვეყნა, წვერის გაპარსვა კი პოზიტიურ ცვლილებად შეფასა. შემდეგ კი ხალხსაც მოუწოდა პოზიტიური ცვლილებებისკენ და ამისთვის მათ პლასმასის ბოთლების ხმარებიდან ამოღება სთხოვა.