New york post-ის ინფორმაციით, ნიუ-იორკის ცენტრში მომხდარი აფეთქების კავშირის ბრალდებით 28 წლის მამაკაცი დააკავეს. ის ამერიკის მოქალაქე აჰმად ხან რაჰამია. პოლიციამ ქუჩაზე, სადაც ის ცხოვრობს, რეიდი ჩაატარა და ეჭვმიტანილი ისე დააკავა.

პოლიცია ამ ფაქტის ნიუ-ჯერსიში მომხდარ აფეთქებასთან და ISIS-თან კავშირს გამორიცხავს. ნიუ ჯერსიში გუშინ საეჭვო მოწყობილობა იპოვეს, რომლის ერთი ნაწილიც აფეთქდა, მეორე კი გამნაღმველებმა რობოტის საშუალებით გააუვნებელყვეს.

ინციდენტი 18 სექტემბერს ღამით, 23-ე ქუჩისა და მე-6 ავენიუს კვეთაზე ხელნაკეთი მოწყობილობის აფეთქების შედეგად მოხდა, რომელიც სანაგვე ურნაში იყო ჩამონტაჟებული.

ნიუ-იორკის მერის, ბილ დე ბლასიოს განმარტებით, ამ დროისთვის რაიმე მტკიცებულება მომხდარის ტერორიზმთან დასაკავშირებლად არ აღმოუჩენიათ.