NASA-ს ჰაბლის ტელესკოპმა კომეტის დაშლის პროცესი დააფიქსირა. დედამიწიდან 107 მილიონი კილომეტრის დაშორებით 4,5 მილიარდი წლის კომეტა დაიშალა.

332P/Ikeya-Murakami ან უბრალოდ 332P, სავარაუდოდ, ისეთი სისწრაფით ბრუნავდა, რომ მისი ზედაპირი ღია კოსმოსში იფანტებოდა. ამ პროცესის შედეგად გამოსროლილმა ნარჩენებმა 5 კილომეტრამდე სიგრძის კვალი დატოვა მარსის ორბიტასთან ახლოს.

ფოტო: NASA

ფოტოების სერია ტელესკოპმა 2016 წლის იანვარში გადაიღო, რომლებზეც მეცნიერებმა 25 უზარმაზარი ყინულის ბლოკები დააფიქსირეს, რომლებიც კომეტის ზედაპირიდან ღია სივრცეში ცვიოდა.

კომეტა 332P მზიდან 241 მილიონი კილომეტრის დაშორებით მოძრაობდა, მარსის ორბიტიდან ოდნავ მოშორებით.

ჰაბლის მოპოვებული მასალის შედეგად, მეცნიერებმა დაასკვნეს, რომ კომეტა მზემ გაათბო, რამაც მისი ზედაპირიდან გაზის გასროლას შეუწყო ხელი. გაზის გამოსროლამ კომეტაზე იმოქმედა და მან დიდი სისწრაფით ტრიალი დაიწყო, ბრუნვის შედეგად კი ზედაპირს ნაწილები მოწყდა და 332P დაიშალა.