თბილისში ავტოსაგზაო შემთხვევის შედეგად 16 წლის ახალგაზრდა გარდაიცვალა. შსს-ს ინფორმაციით მანქანა, რომელშიც ოთხი ადამიანი იმყოფებოდა, ხეს შეეჯახა. სამი დაშავებული სამედიცინო დაწესებულებაში გადაიყვანეს.

გამოძიება საქართველოს სისხლის სამართლის კოდექსის 276-ე მუხლის მე-6 ნაწილით მიმდინარეობს. ეს მუხლი ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც სიცოცხლის მოსპობა გამოიწვია.