გადაცემაში შეხვედრები რეგიონულ მედიასთან, ყოფილმა პრემიერმინისტრმა, ბიძინა ივანიშვილმა ჟურნალისტის შეკითხვას, ამ ეტაპზე ივანიშვილი პოლიტიკაში არის თუ არა და რა სტატუსით საუბრობს ის პოლიტიკაში მიმდინარე მოვლენებზე, უპასუხა:

"მე ვაჩვენე, პოლიტიკა ჩემი საქმე არ იყო, თანამდებობისთვის არ მოვსულვარ, თუმცა, ეს სირცხვილი არ არის, ვინც მოდის თვითრეალიზებისთვის და ქვეყნის დასახმარებლად, მაგრამ ეს არ იყო ჩემი მოწოდება. საზოგადოებას ვაჩვენე, რომ როგორც ვთქვი, მოვალ, დავალაგებ, წავალ. მოვედი, დავალაგე და წავედი და თანაც, ზუსტად გავთვალე, შუალედურ დროს წავედი. დღეს რატომ და რა როლში ვხვდები მედიას: მობრძანდით თქვენ, ე.ი. საინტერესო პიროვნება ვარ. ყველა ვერ მოაგროვებდა ამდენ ჟურნალისტს. ასევე ხდება სხვა რეგიონში, ინტერესი არის. ე.ი. რაღაც ნდობა საზოგადოებისგან არის. მე დღეს მოქალაქის როლში ვარ".

შეხვედრები რეგიონულ მედიასთან - ასე ჰქვია ტელეკომპანია GDS-ის ახალ საარჩევნო პროექტს, რომელშიც ყოფილი პრემიერმინისტრი, ბიძინა ივანიშვილი მონაწილეობს. გადაცემას 20:30-ის ჟურნალისტები ნათია თოიძე და მიხეილ ფეიქრიშვილი უძღვებიან.