საქართველოს სახალხო დამცველი, ნინო ლომჯარია მხარდაჭერას უცხადებს აჭარის საზოგადოებრივი მაუწყებლის დირექტორს, ნათია კაპანაძეს. მხარდამჭერი პოსტი ლომჯარიამ Facebook-ზე მას შემდეგ დაწერა, რაც ცნობილი გახდა, რომ კაპანაძის იმპიჩმენტი მაუწყებლის სამეთვალყურეო საბჭოს რამდენიმე წევრმა მოითხოვა.

"ჩემი მხარდაჭერა შენ!" — წერს ლომჯარია კაპანაძეზე.

ნათია კაპანაძის იმპიჩმენტის მოთხოვნა

ნათია კაპანაძის იმპიჩმენტი მრჩეველთა საბჭოს ორმა წევრმა მოითხოვა. მათ შორისაა ირაკლი დარცმელიძე, რომელიც ნაციონალური მოძრაობის კვოტით არის წარდგენილი და გიგა ჩხარტიშვილი, რომელიც ქართული ოცნების კვოტითაა საბჭოში.

საბჭოს თავმჯდომარემ ნატა იმედაიშვილმა On.ge-ს უთხრა, საბჭოს წევრებს პრეტენზიები აქვთ პრიორიტეტების შეუსრულებლობაზე, ხელფასების პრობლემასა და თანამშრომლის სამსახურიდან გათავისუფლებაზე. მისი თქმით, დოკუმენტს არ გაცნობია და პოზიციას ვერ დააფიქსირებს, თუმცა კაპანაძის დირექტორობის პერიოდში არსებული პრობლემების განხილვისას თავადაც იგივე საკითხებს ასახელებს.

კაპანაძის იმპიჩმენტის ინიაციტივად არასამთავრობო ორგანიზაციები მკვეთრად უარყოფითად აფასებენ. ნათია კაპანაძეს მხარი დაუჭირა საქართველოს სახალხო დამცველმაც.

ამავე თემაზე: