საერთაშორისო გამჭვირვალობა — საქართველოს (TI) კვლევის თანახმად, მოსახლეობის 31 პროცენტს მიაჩნია, რომ საჯარო სამსახურში დასაქმებისთვის ყველაზე მნიშვნელოვანი ნაცნობობაა.

ამავე კვლევის თანახმად, გამოკითხულთა 28 პროცენტს მიაჩნია, რომ საჯარო სამსახურში დასაქმებისთვის განათლებაა საჭირო, ხოლო პროფესიონალიზმი — 19 პროცენტს. 5-5 პროცენტს მიაჩნია, რომ დასაქმებისთვის შრომისმოყვარეობა და ნიჭია საჭირო.

ფოტო: TI

კორუფციაზე საზოგადოებრივი აზრის კვლევა საერთაშორისო გამჭვირვალობა — საქართველოს დაკვეთით კავკასიის კვლევითი რესურსების ცენტრმა (CRRC) 2019 წლის 20 თებერვლიდან 5 მარტამდე პერიოდში ჩაატარა. კვლევის ფარგლებში მთელი ქვეყნის მასშტაბით 2 087 ადამიანი გამოიკითხა, ხოლო ცდომილების ზღვარი +- 2,3 პროცენტის ფარგლებშია.