შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკული საშუალების შეძენა-შენახვის ბრალდებით 2 პირი დააკავეს. უწყების განცხადებით, დაკავებულების მანქანის ჩხრეკისას ამოიღეს 49 მცირე შეკვრად დაფასოებული და 1 მოზრდილი შეკვრა ახალი ფსიქოაქტიური ნივთიერება — ე.წ. ბიო, ასევე, 1 აბი ექსტაზი და 2 შეკვრა თეთრი ფერის ფხვნილი, რომლებზეც დანიშნულია შესაბამისი ექსპერტიზები

მათი თქმით, პოლიციამ, ბრალდებულების საცხოვრებელი სახლის ჩხრეკისას, 9 აბი და 1 ნატეხი ექსტაზი და ორ შეკვრად დაფასოებული ნარკოტიკული საშუალება ამოიღო.

საქმეზე გამოძიება სისხლის სამართლის კოდექსის 260-ე მუხლის მე-5-ე ნაწილის ა და ბ პუნქტებით მიმდინარეობს, რაც წინასწარი შეთანხმებით ჯგუფის მიერ დიდი ოდენობით ნარკოტიკული ნივთიერების უკანონო შეძენა-შენახვას გულისხმობს.