საერთაშორისო გამჭვირვალობა-საქართველოს ინფორმაციით, საქართველოში ინტერნეტის მომხმარებელთა რიცხვი გაზრდილია.

TI-ის ინფორმაციით, 2016 წელს მოსახლეობის 40% ყოველდღიურად იყენებს ინტერნეტს. აღნიშნული მონაცემი გასული წლის მაჩვენებელს 5%-ით უსწრებს. აღსანიშნავია ასევე, რომ იმ ადამიანების რიცხვი, რომლებიც 2015 წელს ინტერნეტს საერთოდ არ იყენებდა (46%) 3%-ით არის შემცირებული. რაც შეეხება იმ ადამიანთა რიცხვს, რომლებმაც საერთოდ არ იციან, რა არის ინტერნეტი, მათი პროცენტული მაჩვენებელი საერთო რაოდენობაში 1-ია.

კვლევის თანახმად, გამოკითხულთა 49%-დან ანუ მათგან, ვინც ინტერნეტს თვეში ერთხელ მაინც იყენებს, 78% ინტერნეტს სოციალურ ქსელში შესასვლელად იყენებს. აღნიშული რესპონდენტებიდან 51% ინტერნეტში ინფორმაციის მოსაძებნად შედის.

ამავე 49%-დან 28% ინტერნეტს წერილების მიღება-გაგზავნისათვის იყენებს, 2%-ფილმებისათვის (ასევე ვიდეოებისთვის, მუსიკისთვის), 10% ეცნობა ბლოგებს, 7% თამაშობს ინტერნეტ თამაშებს, 4% იყენებს ჩატს, 3%-ფორუმისთვის, 2-2% კი-ონლაინ შესყიდვებისა და სხვა მიზნებისათვის.

TI-ის ცნობით, მოსახლეობის ზემოაღნიშნული 49%-დან 86% იყენებს Facebook-ს, 42-ოდნოკლასნიკებს, 13%-ვკონტაკტეს, ხოლო 5%-ტვიტერს.

კვლევა კავკასიის კვლევითი რესურსების ცენტრებმა 2016 წლის 16-28 მარტს TI-ის დაკვეთით ჩაატარეს და სულ 2032 მოქალაქე გამოკითხეს.