სამეფო კარის თამაშების პრემიერამდე ზუსტად ცხრა დღე რჩება. 14 აპრილს სამყარო თავდავიწყებით გადაეშვება ყველაზე მასშტაბური ბრძოლების მორევში და საბოლოოდ გავიგებთ, თუ ვის დარჩება რკინის ტახტი.

სანამ ამ ამბებს რიგითი ფანები გაიგებენ, არია სტარკის როლის შემსრულებელმა, მეისი უილიამსმა GOT-ის ის პერსონაჟი დაასახელა, რომელიც სურს, რომ ამ დაუსრულებელი ბრძოლების მთავარ მიზეზზე, რკინის ტახტზე იხილოს.

ალბათ, არავის გაუკვირდება თუ ვიტყვით, რომ მეისის არჩევანი მისი საუკეთესო მეგობრის, სოფი ტერნერის პერსონაჟი სანსა სტარკია.

"სანსა სტარკი! ვფიქრობ, მან იმდენი რამ aსწავლა ამ დროის განმავლობაში, ისეთი გამოცდილება მიიღო, იმდენად გულწრფელი და კეთილია, რომ ვესტეროსის საუკეთესო მმართველი იქნება. გარდა ამისა, სოფი საშინლად ლამაზია", - თქვა მეისიმ.

მიუხედავად იმისა, რომ წინასწარ ვერაფერს ვიტყვით, საინტერესოა, შეიძლება თუ არა, რომ არია სტარკის როლის შემსრულებლის ეს განცხადება ერთგვარ სპოილერად აღვიქვათ? ამას მხოლოდ სერიალის დასრულების შემდეგ გავიგებთ.