ანაკლიის პორტის მშნებლობა საქართველოსთვის უმნიშვნელოვანესია და მას ხშირად საუკუნის პროექტსაც კი უწოდებენ. ანაკლიის განვითარების კონსორციუმმა ერთი წლის განმავლობაში სამშენებლო ტერიტორიაზე ურთულესი სამუშაოები უკვე ჩაატარა, გეგმის მიხედვით კი პორტი პირველი გემების მიღებას 2020 წელს შეძლებს.

გარდა საქვეყნო მნიშნელობისა, ანაკლიის პორტის მშენებლობა ძვირფასია ანაკლიელებისთვის. ამასთან დაკავშირებით ანაკლიის განვითრების კონსორციუმმა ვიდეო მოამზადა, რომელშიც ადგილობრივები პროექტის მნიშვნელობაზე საუბრობენ.

თორნიკე ბუბუტეიშვილი, რომელიც ვიდეორგოლის მთავარი მოქმედი პირია, აღნიშნავს, რომ მისი ბაბუა ანაკლიის პორტის მშნებლობაში ჩასართავად 100 წლის წინ ჩამოვიდა, თუმცა მაშინ პორტი ვერ აშენდა.

ანაკლიის პორტს ვერც მამამისი მოესწრო, რასაც დიდი სინანულით იხსენებს. ახლა მას ისტორიული შანსი აქვს, რომ ანაკლიის განვითარებაში მიიღოს მონაწილეობა.

"მე მესამე თაობა ვარ, რომელიც ამ პორტის მშენებლობას ელოდა. ვიღვიძებთ ამით ჩვენ, ვიძინებთ ამით, რომ ანაკლია უნდა იყოს პორტი და გახდეს ერთ-ერთი ინდუსტრიული ქალაქი", - ამბობს ანაკლიის მკვიდრი თორნიკე ბუბუტეიშვილი.

ამავე თემაზე: