რამდენიმე წუთის წინ HBO-მ სამეფო კარის თამაშების ახალი პრომო გამოაქვეყნა. სულ რაღაც ერთ წუთიან ტიზერში, რომელსაც Aftermath (შედეგი) ჰქვია, ბევრი ისეთი დეტალია დამალული, რომელიც, შესაძლოა, ფინალურ სეზონთან დაკავშირებით მინიშნებებს გვაძლევდეს.

მაგალითად, კადრში ჩანს თოვლში ჩაძირული ვინტერფელი, რომელიც ბრძოლისგან სრულიად განადგურებულია.

ერთ-ერთი პირველი კადრი, რომელსაც ახალ ტიზერში ვხედავთ, დიდი ალბათობით არიას მახვილია.

ფოტო: HBO

მალევე ვხედავთ, სავარაუდოდ, ჯეიმი ლანისტერის ხელის მტევნის პროთეზს, რომელიც ამ პერსონაჟის ბედთან დაკავშირებით ბევრ კითხვას აჩენს.

ფოტო: HBO

კიდევ ერთი კადრი, რომელზეც აქცენტია გაკეთებული, მეფის მარჯვენას სიმბოლოა, რომელიც ახლა ტირიონს აქვს და სავარაუდოდ, ბედისწერა მასაც დიდ განსაცდელს უმზადებს.

ფოტო: HBO

თუმცა, ამ ძალიან პატარა ტიზერში, ყველაზე შოკისმომგვრელი მაინც ჯონ სნოუს ხმლის გამოჩენა იყო, რომელიც მთლიანად სისხლშია ამოსვრილი.

ფოტო: HBO

ეს ყველაფერი არ არის, თუ კადრს კარგად დააკვირდებით, ფონზე ღამის მეფეც ჩანს.