რამდენიმე წუთის წინ ცნობილი გახდა ევრაზიის კინოდაჯილდოების Golden Arch-ის ნომინანტთა ვინაობა.

ნომინანტებს შორის მოხვდნენ ისეთი რეჟისორები, როგორებიც არიან სერგეი ლოზნიცა და პაველ პავლიკოვსკი.

საუკეთესო ოპერატორის ნომინაციაში ერთ-ერთი კანდიდატი გიორგი შველიძეა ფილმისთვის ნამე. თუმცა ქართველმა ოპერატორმა მოსკოვში ჩასვლაზე უარი თქვა. ინფორმაციას ამის შესახებ საქართველოს ეროვნული კინოცენტრი ავრცელებს.

ქართველ ოპერატორს ნამესთვის უკვე მიღებული აქვს ისეთი პრესტიჟული ჯილდო, როგორიც ამერიკის კინოოპერატორთა საზოგადოების პრიზია.

რაც შეეხება ზაზა ხალვაშის ნამეს, ის წელს საქართველოს სახელით ოსკარზე იყო გაგზავნილი, თუმცა, საბოლოოდ, მეორე ეტაპზე ვერ გადავიდა.