დღეს, 23 მარტს, თბილისში ვეფხი და მოყმის ძეგლთან ერთმანეთს ხუთი ავტომობილი შეეჯახა. შინაგან საქმეთა სამინისტროში On.ge-ს უთხრეს,რომ ავარიის შედეგად ერთი ადამიანია დაშავებული.

გამოძიება საქართველოს სისხლის სამართლის კოდექსის 276-ე მუხლის პირველი ნაწილით დაიწყო. დანაშაული გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია. დანაშაული ისჯება ჯარიმით, შინაპატიმრობით ექვსი თვიდან ორ წლამდე, სამ წლამდე თავისუფლების აღკვეთით ან საქმიანობის უფლების ჩამორთმევით სამ წლამდე.