ტელეკომპანია რუსთავი 2-ის გენერალური დირექტორი ნიკა გვარამია ამ წუთებში ბრიფინგს მართავს. მან ღიად დაადანაშაულა მთავრობა უკანონოდ მოსმენებში და განაცხადა, რომ 8 ოქტომბრის საპარლამენტო არჩევნები იქნება რეფერენდუმი:

"ამ რეფერენდუმზე ხმა უნდა მივცეთ ქვეყანაში დემოკრატიის, თავისუფალი მედიის და რუსთავი 2-ის გადარჩენას, უნდა ვუთხრათ უარი თვალთვალს, მოსმენებს, ვიდეო გადაღებას და ამის გამოქვეყნებას".

ნიკა გვარამიამ ასევე თქვა, რომ ბოლო 3 წლის განმავლობაში მას უკანონოდ უთვალთვალებდნენ, უსმენდნენ, იწერდნენ, აშანტაჟებდნენ და მისი ოჯახის წევრების უსაფრთხოებას ემუქრებოდნენ:

"ჩემნაირი რიგითი ნიკა გვარამია უამრავია ამ ქვეყანაში და ეს რეფერენდუმი მათ გადასარჩენადაა. გავიხსნებ დემურ სტურუას ფაქტს. მიდით რეფერენდუმზე და შემოხაზეთ ნებისმიერი ნომერი 41-ის გარდა, ქართულ ოცნებას ქვეყანა უფსკრულისკენ მიჰყავს, ესაა ბიძინა ივანიშვილის პროექტი".

დღეს, 14 სექტემბერს, ნიკა გვარამიასა და პაატა ბურჭულაძეს შორის სატელეფონო საუბრის აუდიო ჩანაწერი გავრცელდა, რასთან დაკავშირებითაც შსს-მ გამოძიება დაიწყო.