HBO-მ სერიალ სამეფო კარის თამაშების ფანებს დიდი ხნის წინ ამცნო, რომ გმირთა ეპოქის შესახებ საკულტო შოუს პრიქველს გადაიღებს.

სერიალში მთავარ როლს ნაომი უოთსი შეასრულებს. თუმცა, ის ერთადერთი არ არის ვისაც შოუში ვიხილავთ.

ახლახან ცნობილი გახდა, რომ გმირთა ეპოქის შესახებ სერიალში ჰარი პოტერის ვარსკვლავი მირანდა რიჩარდსონიც ითამაშებს.

პოტერიადას სერიებში ის მომაბეზრებელი ჟურნალისტის რიტა სკიტერსის როლს ასრულებდა.

გმირთა ეპოქა სწორედ ის ეპოქაა, როცა თითქმის ყველა ის საგვარეული ჩამოყალიბდა, რომელსაც ამჟამინდელ შოუში ვხვდებით.

ამავე ეპოქას განეკუთვნება ბრანდონ მშენებელის ისტორია, რომელმაც კედელი ააგო, ასევე ყველაზე დიდი ზამთარი ისტორიაში და ა.შ.

პრიქველზე მუშაობას შოუს შემქმნელები ოქტომბერში, ბელფასტში დაიწყებენ, მისი პრემიერა კი 2020 წელს იგეგმება.

ამ ეტაპზე შოუს შესახებ ყველა დეტალი გასაიდუმლოებულია.

ახალი სერიალის სახელი The Long Night (გრძელი ღამე) იქნება.