ჰოლივუდის ვარსკვლავმა, ჯულია რობერტსმა მალიბუში საკუთარი ოჯახისთვის ეკო-მეგობრული გარემო შექმნა.

სახლი, რომელიც ჯულიამ და მისმა ქმარმა 2015 წელს $7 მილიონად შეიძინეს, დღეს ჰოლივუდის შიდა წრეში საოცრებათა სამყაროს სახელით არის ცნობილი.

ყველაფერი კი მას შემდეგ დაიწყო, რაც რობერტს-მოდერის წყვილმა 2016-ში მალიბუს სახლის გვერდით მეორე ვილა $9,5 მილიონად იყიდეს და გადაწყვიტეს, რომ ტერიტორია ერთ დიდ ეკოლოგიურად სუფთა გარემოდ ექცია.

ტერიტორიაზე, რომელიც სახლთან ერთად მიწის უზარმაზარ ნაკვეთსაც მოიცავს, ყველაფერია იმისთვის, რომ ლეგენდარული მსახიობის სამმა შვილმა - ჰეიზელმა, ფინმა და ჰენრიმ თავი უსაფრთხოდ და კომფორტულად იგრძნონ.

სახლს საკუთარი ფერმაც აქვს, სადაც ხილისა და ბოსტნეულის გარდა, ჰოლივუდის ვარსკვლავს საკუთარი სკებიც აქვს.

ტერიტორიას გააჩნია საკუთარი საფეხბურთო მოედანი, სკეიტ პარკი, ჩოგბურთის მოედანი, აუზი, დიდი ბაღი ეგზოტიკური ნერგებით და ა.შ.

გარდა ამისა, სახლი ელექტრო ენერგიას მთლიანად მზის ელემენტებისგან იღებს.