გასულ კვირას HBO-მ სამეფო კარის თამაშების 20 ახალი პოსტერი გაავრცელა, რომლებზეც შოუს პერსონაჟები რკინის ტახტზე ისხდნენ.

როგორც მოსალოდნელი იყო, სერიალის ერთგულმა ფანებმა დეტალურად შეისწავლეს თითოეული ფოტო და მათში დამალული მინიშნებების ამოკითხვასაც შეეცადნენ.

მაგალითად, ჯონ სნოუს პოსტერის შესწავლის შედეგად დაადგინეს, რომ ის ძალიან ჰგავს ნედ სტარკის პოსტერს პირველი სეზონიდან. სწორედ ამიტომ, ფანები შიშობენ, რომ სნოუმ შესაძლოა ისევე დაასრულოს სიცოცხლე, როგორც მისმა მამობილმა.

წინა პოსტერებისგან განსხვავებით, მერვე და ფინალური სეზონის ფოტოზე დეინერის ტარგარიენი ძალიან გაბრაზებული ჩანს.

ფანები ფიქრობენ, რომ დრაკონების დედა დიდი ალბათობით თავისი წინაპრების ბედს გაიზიარებს და საბოლოოდ ისიც გიჟ მეფედ იქცეს.

მთავარი ინტრიგა სერსეი ლანისტერს უკავშირდება, რომლის პოსტერიც ყველაზე დამაინტრიგებლად გამოიყურება:

თუ კარგად დააკვირდებით, დაინახავთ რომ ახალ პოსტერზე მართალია ის რკინის ტახტზე ზის, თუმცა წინა სეზონის პოსტერებისგან განსხვავებით გვირგვინი აღარ "ამშვენებს".

რაც შეეხება სანსა სტარკს, მისი ტანისამოსი მერვე სეზონის პოსტერზე ძალიან ჰგავს დედამისის, კეტლინ სტარკის საგვარეულოს, ტალების სტილს. საინტერესოა, რას შეიძლება ნიშნავდეს ეს?

და ბოლოს, ღამის მეფე. ფანებმა ერთადერთი რაც ამ პოსტერზე აღმოაჩინეს იყო ის, რომ ეს პერსონაჟი რკინის ტახტზე საკმაოდ კომფორტულად გამოიყურება, რაც დაგვეთანხმებით, რომ არც თუ ისე კარგის მომასწავებელია.