ქართული ოცნების ყოფილი დეპუტატი ზვიად კვაჭანტირაძე ამბობს, რომ პარტიიდან წასვლის მთავარი მიზეზი სასამართლოში არსებულ პრობლემები იყო. მისი თქმით, უმრავლესობის მიდგომა მართლმსაჯულებაში არსებული პრობლემის მიმართ წითელი წყალგამყოფი ხაზი აღმოჩნდა.

დეპუტატი ამბობს, რომ არსებობდა სხვა პრობლემებიც, მათ შორის პარლამენტის მართვის სტილში, რაზეც პარტიის ლიდერს, ბიძინა ივანიშვილსაც ესაუბრა. მისივე თქმით, კულუარებში მიღებულმა გადაწყვეტილებებმა ნდობა დაუკარგა. ამის შესახებ მან რუსთავი 2-თან იუსაბრა.

კვაჭანტირაძის თქმით, ჯერ კიდევ რჩება საგარეო ურთიერთობათა კომიტეტის თავმჯდომარედ, მაგრამ აქვს მოლოდინი, რომ მალე გადააყენებენ. სამომავლო გეგმებზე საუბრისას დეპუტატი ამბობს, რომ "აქტიურ პოლიტიკურ ცხოვრებას".

კვაჭანტირაძემ ქართული ოცნების პარტია და ფრაქცია 27 თებერვალს დატოვა. მანამდე მოსამართლეების საკითხის გამო ქართული ოცნება დატოვეს ეკა ბესელიამ, გედევან ფოფხაძემ და ლევან გოგიჩაიშვილმა.

მმართველი პარტია დატოვა ბექა ნაცვლიშვილმაც, მაგრამ განსხვავებული მიზეზით.მან ამ ფორმით გააპროტესტა ის, რომ პარლამენტმა დაგროვებით პენსიაზე მის კანონპროექტს მხარი არ დაუჭირა. დეპუტატ გია ჟორჟოლიანის თქმით, უმრავლესობა შესაძლოა, სოციალ-დემოკრატებმაც დატოვონ.

მმართველი პარტიიდან დეპუტატების წასვლის შემდეგ ქართულმა ოცნებამ საკონსტიტუციო უმრავლესობა დაკარგა.