რამდენიმე კვირის წინ ინტერნეტსივრცეში Hulu-ს პოპულარული სერიალიდან მხევლის წიგნი საკმაოდ დამაინტრიგებელი ფოტოები გავრცელდა. ამ ფოტოების ნახვის შემდეგ, ერთადერთი სურვილი რაც ყველას გვქონდა იყო ის, რომ რაც შეიძლება მალე დაწყებულიყო შოუს მესამე სეზონი.

როგორც ჩანს, სერიალის შემქმნელებს ძალიან უნდათ შოუსადმი ჩვენი ინტერესი კიდევ უფრო გაზარდონ და ახალი სეზონის გადასაღები მოედნიდან კიდევ უფრო დრამატულ ფოტოებს ავრცელებენ.

მხევლის წიგნის მესამე სეზონი 5 ივნისს გამოდის და სოციალურ ქსელებსა თუ მედიაში კიდევ ერთხელ დაიწყება იმის რკვევა, რა ბედი ეწევათ ჯუნს, სხვა მხევლებსა თუ გილიედში მცხოვრებ დანარჩენ ადამიანებს. გავიგებთ ბოლოს და ბოლოს, გაიღვიძებს თუ არა ამერიკა და რას მოიმოქმედებს სერენა, რომელიც თუ ბოლო სეზონს გავითვალისწინებთ, ნელ-ნელა თავად ხდება მეამბოხე.

სერიალისადმი მოლოდინი კიდევ უფრო გაამძაფრა სერიალის ახალი სეზონის პირველმა ოფიციალურმა ტიზერმა, სადაც ცეცხლში გახვეული ქალაქი, შეშინებული მართები და განრისხებული კომანდირი უოთერფორდი ჩანდნენ.