2019 წლის ოსკარის დაჯილდოების ერთ-ერთი მთავარი მოვლენა ლედი გაგასა და ბრედლი კუპერის მიერ ცოცხლად შესრულებული Shallow იყო, ფილმიდან A Star Is Born.

ემოციური შესრულების შემდეგ, დოლბის თეატრში მყოფი აუდიტორიის ოვაციები დიდხანს არ წყდებოდა. ბრედლი კუპერის პარტნიორი და სუპერმოდელი ირინა შეიკი კი ერთ-ერთი პირველი იყო, რომელიც სიმღერის დასასრულს ფეხზე წამოდგა და შეყვარებული ტაშით გაამხნევა.

ვიდეო The Hollywood Reporter-ის ჟურნალისტმა კრის გარდნერმა გამოაქვეყნა ტვიტერზე. მასში პირველ რიგში მყოფი შეიკი ზურგიდან ჩანს.

ლედი გაგა საქმროს რამდენიმე დღის წინ დაშორდა, მასსა და კუპერს შორის არსებული ქიმიის გამო კი, მედიაში სპეკულაციები არ წყდება.

და იმის მიუხედავად, რომ უამრავ ადამიანს წითელ ხალიჩაზე მათი ნახვა სურდა, კუპერი დაჯილდოებაზე თავის პარტნიორთან, ირინა შეიკთან და დედასთან ერთად მივიდა.

ოსკარის წითელ ხალიჩაზე შეიკს ბარბერის შავი კაბა ეცვა.

დაჯილდოებაზე კი, სუპერმოდელი კუპერსა და გაგას შორის იჯდა.

ხოლო მას შემდეგ, რაც გაგამ თავისი პირველი ოსკარი მოიგო, შეიკი ერთ-ერთი პირველი იყო, ვინც მას ჯილდო თბილი ჩახუტებით მიულოცა, რითიც კიდევ ერთხელ გააქარწყლა მითქმა-მოთქმა მათ შორის არსებული "მეტოქეობის" შესახებ.

ლედი გაგა და ირინა შეიკი

ფოტო: Kevin Winter / Getty Images

გაიგეთ მეტი: