შინაგან საქმეთა სამინისტროს ინფორმაციით, იმერეთისა და სამეგრელოს რაიონებში ე.წ. ჭკვიანი კამერები დაემატა და სიჩქარის კონტროლის 8 ახალი სექცია ამოქმედდა. კერძოდ:

იმერეთი

  • თბილისის-სენაკი-ლესელიძის დამაკავშირებელი საავტომობილო გზის ქუთაისი-ფარცხანაყანევის შემაერთებელ მონაკვეთზე. კამერები მუშაობს როგორც აღმოსავლეთიდან დასავლეთის, ასევე, დასავლეთიდან აღმოსავლეთის მიმართულებით, ორმხრივად (ნებადართული სიჩქარე 60 კმ/სთ);
  • ქუთაისი-სამტრედიის საავტომობილო გზის მე-18 კილომეტრიდან (ქვიტირი) - ქუთაისი-სამტრედიის საავტომობილო გზის 28-ე კილომეტრამდე (ფარცხანაყანევი). კამერები მუშაობს როგორც აღმოსავლეთიდან დასავლეთის, ასევე, დასავლეთიდან აღმოსავლეთის მიმართულებით, ორმხრივად (ნებადართული სიჩქარე 60 კმ/სთ);
  • ქუთაისი-წყალტუბო-ცაგერი-ლენტეხი-ლასდილის დამაკავშირებელი საავტომობილო გზის ქუთაისი-წყალტუბოს შემაერთებელ მონაკვეთზე. კამერები მუშაობს როგორც აღმოსავლეთიდან დასავლეთის, ასევე, დასავლეთიდან აღმოსავლეთის მიმართულებით, ორმხრივად (ნებადართული სიჩქარე 70 კმ/სთ);
  • ქალაქ ქუთაისში, ჯავახიშვილის ქუჩიდან — ქალაქ წყალტუბოში, გალაქტიონ ტაბიძის ქუჩამდე. კამერები მუშაობს როგორც აღმოსავლეთიდან დასავლეთის, ასევე, დასავლეთიდან აღმოსავლეთის მიმართულებით, ორმხრივად (ნებადართული სიჩქარე 70 კმ/სთ).

სამეგრელო

  • ფოთში, სამეგრელოს ქუჩის მონაკვეთზე, სამეგრელოს, ხობის, შავი ზღვისა და
    ალ.ჭავჭავაძის ქუჩების კვეთიდან — სამეგრელოსა და ჯავახიშვილის ქუჩების
    კვეთამდე. ორმხრივად (ნებადართული სიჩქარე 60 კმ/სთ);
  • ფოთში (ფოთის შემოვლით გზაზე), ლარნაკის ქუჩიდან (მდინარე რიონი) — წმ.
    გიორგის, აკაკის და გურიის ქუჩების გადაკვეთამდე, ორმხრივად (ნებადართული
    სიჩქარე 60 კმ/სთ).

შინაგან საქმეთა სამინისტროში აცხადებენ, რომ 2019 საქართველოს მასშტაბით 669 ახალი ვიდეოკამერა ჩაირთო, მათ შორის 550 ზოგადი ხედვის და 119 კი ნომრის ამომცნობი. მათი თქმით, ამ დროისთვის სულ 2086 ვიდეოკამერა ფუნქციონირებს და ე.წ. ჭკვიანი კამერების მონტაჟი მთელი წლის განმავლობაში გაგრძელდება.