დღეს, 14 თებერვალს იუსტიციის უმაღლესმა საბჭომ რვა მოსამართლე უვადოდ განამწესა. კენჭისყრა იუსტიციის უმაღლეს საბჭოში გაიმართა. კენჭი უყარეს იმ მოსამართლეებს, რომლებიც თანამდებობაზე 3-წლიანი გამოსაცდელი ვადით იყვნენ დანიშნული.

უვადოდ განწესდნენ მოსამართლეები:

  • ნატრული აკობია — ზუგდიდის რაიონულ სასამართლოში, 12-ხმით ორის წინააღმდეგ;
  • ეკა არეშიძე — თბილისის საქალაქო სასამართლოში, 14 ხმით, სრული მხარდაჭერა;
  • გია ბერაია — ახალციხის რაიონულ სასამართლოში, 12 ხმით ორის წინააღმდეგ;
  • ლერი თედორაძე — ქუთაისის საქალაქო სასამართლოში, 13 ხმით ერთის წინააღმდეგ;
  • ინდირა მაშანეიშვილი — ბათუმის საქალაქო სასამართლოში, 12 ხმით ორის წინააღმდეგ;
  • სალიხ შაინიძე — ბათუმის საქალაქო სასამართლოში, 12 ხმით ორის წინააღმდეგ;
  • ნატო ხუჯაძე — თბილისის საქალაქო სასამართლოში, 12 ხმით ორის წინააღმდეგ;
  • მერაბ ჯორბენაძე — თბილისის საქალაქო სასამართლოში, 13 ხმით ერთის წინააღმდეგ.