ნადეჟდა სავჩენკოს ადვოკატის განმარტებით, სავჩენკოს უკრაინის მხარისთვის გადაცემის პროცესი უკვე დაწყებულია. ამის შესახებ ინფორმაციას ria.ru ავრცელებს.

სავჩენკოს ადვოკატის, მარკ ფეიგინის თქმით, მას უკვე აქვს სავჩენკოს განცხადება იმის შესახებ, რომ ის თანახმაა, უკრაინაში გადაიყვანონ, სადაც სასჯელს მოიხდის:

"პროცედურულად, მისთვის დოკუმენტები უნდა გადაეცათ, რომელიც უნდა შეევსო იმისთვის, რომ ეს პროცესი [სავჩენკოს უკრაინისთვის გადაცემა] დაწყებულიყო. მიმაჩნია, რომ პროცედურა დაწყებულია, თუმცა უნდა გვესმოდეს, რომ ის სწრაფი ვერ იქნება და შეიძლება ერთიდან ორ თვემდე გაგრძელდეს".

სავჩენკოს მეორე ადვოკატის, ნიკოლაი პოლოზოვის განმარტებით კი, პარასკევს ის თავისი დაცვის ქვეშ მყოფის მონახულებას აპირებს და მეტი დეტალი ეცოდინება სავჩენკოს უკრაინისთვის გადაცემასთან დაკავშირებით.

რუსულმა მხარემ ნადეჟდა სავჩენკო 2014 წელს წელს დააკავა და ბრალად რუსი ჟურნალისტების, იგორ კორნელიუკისა და ანტონ ვოლოსინის, მკვლელობა დასდო. ამ დროის განმავლობაში სავჩენკო ბრალდებას უარყოფს და ამტკიცებს, რომ მის ირგვლივ განვითარებული პროცესებს პოლიტიკური სარჩული აქვს. მისი განმარტებით, 2014 წლის ივნისში აღმოსავლეთ უკრაინაში მას შემდეგ შეიპყრეს, რაც რუსი ჟურნალისტები უკვე დახოცილები იყვნენ.

რუსულმა მხარემ სავჩენკო დამნაშავედ ცნო და 22-წლიანი პატიმრობა მიუსაჯა.