US Embassy Sweden თავის პოსტში ადასტურებს სტოკჰოლმში არსებულ შესაძლო ტერორისტულ საფრთხეს, რომელსაც შვედეთის პოლიცია იძიებს.

საელჩო შვედეთში მყოფ ამერიკის მოქალაქეებს სიფრთხილის ზომებს აწვდის და მოუწოდებს, რომ თავი აარიდონ ხალხმრავალ ადგილებს, რელიგიურ დღესასწაულებსა და დიდ ფესტივალებს:

„ტერორისტების სამიზნე შესაძლოა გახდეს სპორტული და ტურისტული ღონისძიებები, რესტორნები, საჯარო ტრანსპორტი“.

ამერიკის საელჩო თავის მოქალაქეებს ოჯახის წევრებთან ხშირი კონტაქტის, ახალი ამბებისთვის თვალყურის დევნების, სიფხიზლისა და მოულოდნელი შემოწმებებისთვის მზადყოფნის რეკომენდაციას აძლევს და ამერიკელი მოგზაურებისთვის ამერიკის დეპარტამენტის მიერ შექმნილ საიტზე (https://step.state.gov/step) რეგისტრაციისკენ მოუწოდებს.

გუშინ, 26 აპრილს, BBC News-მა შვედურ მედიაზე დაყრდნობით გაავრცელა ინფორმაცია იმის შესახებ, რომ ერაყის მთავრობამ შვედეთს ამცნო მათ ქვეყანაში დაახლოებით 8 მებრძოლის შესვლის შესახებ.

სადაზვერვო სამსახურის პრესსპიკერი საიმონ ბინეტი არ ასაჯაროვებს მირებული ინფორმაციის სხვა, ძირითად არსს, თუმცა შვედურ რადიოში ინტერვიუს დროს აცხადებს რომ მიღებულ მასალებს ვერ უგულებელყოფენ და გამოიძიებენ.