საქართველო სახალხო დამცველის ცნობით, მათ მიერ შესწავლილი 108 სკოლიდან 16-ს სასმელი წყალი საერთოდ არ მიეწოდება. კვლევა საჯარო სკოლებში წყლის, სანიტარიისა და ჰიგიენის შესახებ 2018 წელს საქართველოს 6 რეგიონში ჩატარდა.

სახალხო დამცველის, ნინო ლომჯარიას თქმით, სკოლების უმრავლესობაში სასმელი წყლის ხარისხს არ აკონტროლებენ და ხელმიუწვდომელია სამეურნეო წყალიც.

"ეს იწვევს იმას, რომ ბავშვები სასმელი წყლის საჭირო რაოდენობას ვერ იღებენ", — აცხადებს ნინო ლომჯარია.

მისი თქმით, მძიმე ვითარებაა სანიტარულ-ჰიგიენური მიმართულებით. სკოლების საპირფარეშოების უმრავლესობა ეზოშია განთავსებული, არ არის იზოლირებული კაბინები და გვხვდება ბიჭებისა და გოგოების საერთო საპირფარეშოები.

"ეს მდგომარეობა აფერხებს ბავშვების განვითარებას, ასევე მათ დასწრებას საგაკვეთილო პროცესში", — აცხადებს სახალხო დამცველი.

ის მოუწოდებს განათლების სამინისტროსა და ადგილობრივ თვითმმართველობებს მიაქციო სკოლებს ყურადღება და მოაწესრიგონ ინფრასტრუქტურა.