საარჩევნოდ, საქართველოში საერთაშორისო მედიაცენტრი შეიქმნება. ამის შესახებ 7 სექტემბრის მთავრობის სხდომაზე გახდა ცნობილი. პრემიერ მინისტრის გიორგი კვირიკაშვილის განცხადებით, მედიაცენტრი აუცილებელია გამჭვირვალე და ევროპული სტანდარტის არჩევნების ჩატარებისათვის:

"უმნიშვნელოვანესია, წინასაარჩევნოდ და არჩევნების პერიოდშიც მედიას მივცეთ საშუალება, კომფორტულად იმუშაოს, კარგად გაშუქდეს წინასაარჩევნო პროცესი და არჩევნები. ჩვენი სურვილია, ჟურნალისტებს, საერთაშორისო მედიის წარმომადგენლებს ჰქონდეთ მაქსიმალურად კარგი პირობები იმისთვის, რათა მთელი ამ პერიოდის განმავლობაში იმუშაონ საქართველოში".

აღნიშნული საკითხის ორგანიზება საქართველოს პრემიერმინისტრმა გიორგი კვირიკაშვილმა მთავრობის დღევანდელ სხდომაზე სახელმწიფო მინისტრს ევროპულ და ევროატლანტიკურ სტრუქტურებში ინტეგრაციის საკითხებში, დავით ბაქრაძეს სთხოვა.