საერთაშორისო გამჭვირვალობა — საქართველოს აღმასრულებელი დირექტორი, ეკა გიგაური ამბობს, რომ მთავარი პროკურორის, შალვა თადუმაძის დიპლომის ასლი პროკურატურამ, მთავრობის ადმინისტრაციამ და იუსტიციის სამინისტრომ არ მიაწოდა. გიგაური ტელეკომპანია რუსთავი 2-თან საუბრისას ამბობს, რომ საქმე სასამართლოში გაასაჩივრეს და ახლა უკვე ასე ითხოვენ ინფორმაციას.

"ეს მართლაც წარმოუდგენელი რამ არის რადგან ქვეყანას აქვს გაკეთებული განცხადება იმასთან დაკავშირებით, რომ მმართველობა არის გამჭირვალე და ნებისმიერი ინფორმაციის მიღება საჯარო უწყებებიდან არის შესაძლებელი და დღეს არასამთავრობო ორგანიზაცია 6 თვის განმავლობაში ცდილობს, რომ მოიპოვოს მთავრი პროკურორის დიპლომი", — აღნიშნა გიგაურმა.

საპროკურორო საბჭოსთვის მიწოდებულ დოკუმენტში, თბილისის სახელმწიფო უნივერსიტეტმა მიუთითა, რომ შალვა თადუმაძემ 1994-1999 წლებში თბილისის ჰუმანიტარული ინსტიტრუტი და მიენიჭა იურისტის კვალიფიკაცია.

On.ge დიპლომის ასლის არგაცემასთან დაკავშირებით მთავარი პროკურატურის პრესსამსახურს დაუკავშირდა. უწყების პასუხი მასალაში მიღებისთანავე აისახება.

შალვა თადუმაძე საქართველოს პარლამენტმა საქართველოს მთავარ პროკურორად 2018 წლის 16 ივლისს დაამტკიცა.